متلازمة ما قبل الإمتحان...

متلازمة ما قبل الامتحان......
التعريف :هي متلازمة تأتي بشكل غريب عجيب في أيام الامتحانات , تترافق بنوات من التخليط الذهني
العمر: بعد سن دخول المدرسة ( يعني ست سنوات ) و قد سجلت حالات في شرق دوما و شمال سبينة و حرستا قبل ذلك....!
بالتواتر :بالنسبة للأطفال ثلاث مرات بالفصل (لوجود المذاكرات )
مدة النوبة:
طيلة فترة الامتحان
الأعراض:
1- جنان عام : حيث تأتي موجة حادة من التخليط يعني الطالب ملخبط فوقاني تحتاني شي عم يغني شي عم يضحك شي عم يرقص.........
2- و هو يشكل مع الجنان العام 80 بالمية من الأعراض : العزم على أن تكون الدراسة في الفصل القادم أفضل من الدراسة في هذا الفصل ( ان شاء الله الفصل الجاية رح تكون الدراسة من أول الفصل و هكذا عبارات)
3- رغبة فظيعة للمطالعة و القراءة الخارجية والاطلاع على ثقافات و تجارب الشعوب و على عاداتهم بالأفراح و الأتراح ....
4- حمى تخطيط : يعني بخطط الواحد شي مية شغلة بدو يساويها و كلو لبعد الامتحان ( دورات لغة , قراءة , زيارة الأصدقاء , جمع الطوابع , تحرير الجولان , ثم الأقصى , ثم الأندلس و التفكير بما سيحدث ببقية العالم)
5- قد تكون شرح لما سبق لكن بعض المراجع صنفتها كعرض مستقل : استحضار كل الأفكار و المشاوير و المشاريع اللي ما يمكن تخطر على البال ( على قولة : جاية على بالي اتعلم أورغ أو بيانو , و الله انو الواحد يعرف يدبك شغلة كتير مهمة , شو رأيك نتعلم طبخ إفريقي)
آلية المرض : غير معروفة لكن يعتقد بوجود أسباب مناعية سورية
العلاج : تزول الأعراض عفويا بمجرد انقضاء الامتحان بدون أن تترك أي أثر , و ليس هناك من طريقة تقي الطالب من الهجمة القادمة إلا ملاقاة وجه ربه الكريم........
سلام ما قبل الامتحان.....

ههههههههههههههههه

الله يكون بعونا على هالحمى

يلي صلها 100 سنة ومش عم يقدروا يخترعولها مصل او مضاد



ههههههههه

بس والله روعة الموضوع

مشكورة يا احلى رامـــــــــــــــــــــا




لك مني اجمل تحية

شكراً أصيل على مرورك....

بس شو رأيك نخترع أنا وأنت المصل .......



والله حرام هالطلاب شو رأيك؟

و الله يا راما موضوع عنجد بيجنن وإذا رح تخترعي أنت و أصيل المصل قولولي بركي بتجربو علي

بس نشاء الله تكون عجبت الانسة أمل لأنو منعرف أنو رأيها كتير مهم بالنسبة إلك

كتر خيرك ياراما و يا أصيل لح تريحونا من مرض صرلو أكتر من 15 سنة عم عاني منو
متل ما قالت نور إذا هي أول وحدة تجري على التجربة فأنا الثانية
شكراً كتيررررررررررررررررر

شكراً نورو نور.........
أكيد رح منجربوا عليكن بركي منخفف عليكن شوي من هالحمى
بس ادرسوا منيح للفحص لأنو حتى نخترع المصل بيكون يلي ضرب ضرب ويلي هرب هرب

و الله معك حق بكل هالأعراض

أنا من هلأ بلشت خطط وين بدي روح آخر يوم الفحص وحتى شو بدي ساوي بالعطلة كلها


و قررت انو من الفصل التاني بدي بلش دراسة متل العالم والخلق !!!

هههههههه

الله يعينّا على هالفحص ايمتة بدو يخلص !!!!!!!!!!!!!

شكرا يا راما والله شي ظريف ولي ايمتى حيخلص الفحص

الحمد لله أنني قرأت الموضوع بعد الفحص!!


أنا أرد على هذا الموضوع لأنني أحب من رد وساهم في هذا الموضوع كثييييييراً

شكراً دانة و راما و منيرة و بهنيكم بإنتهاء الفحص.......

و بشركم أنو الأعراض إنتهت بمجرد إنتهاء الفحص

وبالمناسبة بلشو من الآن بالوقاية من أعراض فحص آخر العام .........

التوفيق إنشاء الله...........