آخر يوم بالمدرسة ولآخر مرة

لآخر مرة

لآخر مرة سأسمع صوت أمي وهي تصرخ على وتدعي أنو الانسة ماتفوتني عالصف لأنو بكون فايقة ثمانية صباحا وبكون في الحمام أقوم بتنظيف أسناني ربع ساعة (بفرشي شوي وبفغفل عالمغسلة شوي )

لآخر مرة حضب شنتاية المدرسة الصبح عالعتمة وأنسى وظيفة الرياضيات ودفتر المسودة ودفتر التعبير

لآخر مرة رح فوت عالمدرسة متأخرة من باب الآنسات وأركض عالصف

لآخر مرة حشوف كل دقية الساعة وأشعر بهذا الشعور الرائع وقت يصير وقت يرن جرس الباحة

لآخر مرة حأنتظر الآنسة على باب المدرسات وأول ما بشوفها بيبدأهذا السباق بيني وبينها وبحاول فوت عالصف قبل ماتفوت وتسكر الباب وتروح علينا

لآخر مرة مارح صدق ايمتى تدير الآنسة وجهها وتبدأ كتابة عاللوح حتى زتلي شي نكتة وتفرط لجين ويفرط معها الصف

لآخر مرة حأسمع صوت سيارة الزبالة هي عم تقوم بعملها ونسكر أذاننا من الصوت وأنفنا من الروايح ......عفوا

لآخر مرة حنسمع صوت زمور الإنذار وهو عم يتجرب كل شهر بيوم الاثنين بالحصة الرابعة و أصرخ انبطحوا......

لآخر مرة حنسمع شي موبايل عم يرن بنص الحصة وكل الصف بيبدأ بيسعل منشان الآنسة ما تحس ...............

لآخر مرة حيصدف عيد المولد النبوي بالمدرسة وتسمع بألب الحصص كل البنات عم يصلوا عالنبي (يعني عم يتضيفوا ملبس وانتوا أعلم بالباقي )

لآخر مرة حنحصل على ثواب كبير بكل حصة كيمياء كل ماتقول الآنسة سم المركب الآتي وبنقول( بسم الله الرحمن الرحيم)

لآخر مرة حأكتب على لوحة خواطر البكالويا المحطوطة بآخر الصف

لآخر مرة أتضحك ضحكتي المشهورة وتضحك علي راما ولجين ولبن

لآخر مرة حأسمع هذا الصمت اللي بيصيب الصف وقت الآنسة بتفتح دفتر العلمات

لآخر مرة حأشعر بهذا الشعور الرائع المخيف المرعب الجديد والغير إن كان قبل مذاكرة الفيزياء أو بعدها ولآخر مرة حأتبع نصائحي الرائعة بعد مذاكرة الفيزياء

لآخر مرة حأرجع عالبيت تعبانة اشب قنينة ماء (تبع اللترين وربع )وألحش البدلة عالتخت

لآخر مرة رح وقف الصبح على باب المدرسة متوترة عم استنى الآنسة لحتى أعطيها وردة قبل ماتفوت عالمدرسة

وأخيرا لآخر مرة رح أكتب موضوع بعنوان لآخر مرة ...............

وداعا مدرستي أتمنى أن أستطيع أن أرفع رأسك ورأس معلماتي عاليا بنتائجي ولاتنسونا من صالح الدعاء وسامحونا على كل شيء

والله أحببتك وأحببت من فيك ...............مدرستي نبيل يونس

اييييه والله فتحتيلنا جروحاتنا

طبعا لآخر يوم لح نفتح المنتدى لبعد شهر ونص أو شهرين
ولأخر مرة لح نوقف عالحيط لأنو تأخرنا عن الأنسة كم دقيقة
لأخر مرة لح نكتب جزى ـ مالح قول من مين بظن بتعرفوووووو؟؟ـ
ولأخر مرة لح نودع بعض لأنو إن شاء الله لح نشوف بعض من جديد
لأخر مرة لح نلعب بالباحة بالريشة
لأخر مرة لح نتساأل عالأنسة ميساء بالصف ونعلق هديك التعليقات الظريفة
ولأخر مرة لح نمشي بهاد الكريدور الطويل يلي أول السنة حسيناه كتيييييييييير طويل ومن هون لآخر السنة ماعاد حسينا فيه
لأخر مرة بيستناني الباص الصبح لأني بكون عم البس وبعد الظهر لأني بكون عم العي مع رفقاتي أو عم استنا شي آنسة

ولأخر مرة بقول ياريتني بعرفك من المدرسة
ياأما أنا بعرفك بالشكل
شكراكتير أيه الموضوع كتير حلو Very Happy

شكرا الك واتمنى ان تحققي أحلامك وتصلي لهدفك لأنك بتستاهلي
يمكن بتعرفيني أنا هيك وحدة ماشاء الله طول بعرض أكتر من الطول يعني ومن الشعبة الثانية

أنتو بتجنننننننننننننننننننننننننننننننننو

كل وحدة عرفتها بين البكالوريات كان إلى معها مواقف بتجنن

خليتني هي المواقف أتمنى كون بكالوريا

بس لأقدر عيش معكون أكتر

واسمع صدى ضحكاتكون أكتر

يلي بتصدي بالكلدور المعتم تبعكون بس أنتو دائماً كنت تخلو منور

فيكون وببسمتكون

ما بظن إني شفت بكالوريات أكتر سعادة منكون

وكنتو دائماً تفوتوا السعادة على قلبي وقت بشوفكون

فرحة ومتعة وفكرة
كنتو لها المدرسة

ولح تبقوا

لأنو هي إن شاء الله آخر مرة بناديلكون

ياااااااااااابكالوريات

أحبكم كثيراااااااااااااااااا ومن كل قلبيييييييييي

lol!

بقولوا انو مافي اصعب من الوداع بس شوبدنا نعمل الدنيا هيك قانونها فيها لحظات استقبال وساعات وداع
بتمنى لكل بنت بكلوريا النجاح ويجمعوا مجموع ممتاز
ويرجعوا يدرسوا بالمدرسة يلي علمتن كيف يكونوا متميزين بائي مكان بكونوا فيه

I love you

الله معكم بنات البكلوريا I love you

بس حبيت أكتب شوية مواقف إلي مع بنات البكالوريا:

الصبح إذا طلعت مع ندوشة صدفة بالدوار الشمالي بعقد بنق عليها لبين ما نوصل وبعدين بالباحة بستلمها وبكمل لحتى تلعي نفسها مني

وطول السنة وأنا وعم فرغ همومي عند علا

لحتى أخيراً بلشت أعقل شوي ويخف جناني

واكتشفت صدفة أنو لين بتشبهني كتير...!!! يا محاسن الصدف

وكل ما شفت رمرومة كانت تقلي سلمي على أمك

لحتى صاروا يقولولي البنات كل ما تفركشت بأمك بالبيت سلمي عليها

ولجين يلي بتطرقها موالات شو كانت لذيذة ..

جمان سمعت مني كتاباتي وقت كنت أستشيرها فيها قبل ما حطها على المنتدى

وبقلك شكراً كتير على الدوافع يلي كنت تعطينها

ونصائحك يلي عم حاول طبقها مشان نظم شوي حياتي

ما لح أنساك منورة أنت وغلاظاتك عليي المستمرة

ويلي اشتقتلها كتير اليوم وكل يوم

سنا ..خليتني ابتسم حتى وأنا تعبانة لأعطي الناس دفعة من الإشراق والسعادة متل ما عطيتيني

نور (صايمة )دائما كنت شوفك عم تركضي وتطرقي العالم باندفاع وقوة نحو الحياة ..علمتيني كتير

رؤى(الخطيب) صورتك بذاكرتي وأنت مبتسمة..

آية الصباغ على الرغم مني أني ما حكيت معك غير مرتين يمكن بس حبيتك كتير

وأخيراً بشكر كل وحدة ضافت لحياتي وللمدرسة معاني جديدة

يا مؤسسات نادي صناع التميز

نحن بانتظاركن وانتظار تميزكن

king

سأفتقدكم كثيراً

اي و الله مع انو نحنا عاشر و يمكن ما منعرف البكالوريات كتييير بس رح نفتقدهون كتيييييير و رح تفضى المدرسة و الكوريدورات بلاهم
و ان شاء الله موفقييييين يا بكالوريات نبيل يونس و عقبال ما تبيضوا وجه نبيل يونس و ترفعوا راسها بالعالي بتفوقكم sunny

شكرا ثواب وانشاء الله بنجتمع بالمستقبل وبتتعرفي علي أكثر